NDOA-ZAWADI KUTOKA KWA MUNGU MWENYE UPENDO.

Na Dominic Chinyama

JE, UNAPENDA kwenda kwenye harusi? Wengi wanapenda,kwa sababu mara nyingi hivyo huwa vipindi zenye kufurahisha sana. Bwana na bibi-arusi wanavalia mavazi yenye kupendeza kwelikweli. Zaidi ya hilo,nyuso zao zinaonyesha kwamba wana shangwe nyingi! Siku hiyo wana furaha nyingi na inaonekana wana matazamio mengi mazuri ya wakati ujao.

Hata hivyo,ukweli ni kwamba ndoa nyingi leo ziko mashakani. Ingawa tunawatakia mema wenzi wapya wa ndoa,nyakati nyingine tunajiuliza; Je, ndoa hii itakuwa na furaha? Itadumu?

 Majibu ya maswali hayo yanategemea ikiwa mume na mke wanaamin na kutumia shauri la MUNGU kuhsu ndoa,( Methali 3:5-6). Wanahitaji kufanya hivyo ili waendelee kukaa katika Upendo wa MUNGU.

Tuone majibu ya BIBLIA kwa maswali haya manne(4).:

Ø  Kwanini ufunge ndoa?

Ø  Ikiwa utafunga ndoa, utachagua mwenzi wa aina gani?

Ø  Unaweza kujitayarisha jinsi gani kwa ajili ya ndoa?

Ø  Na ni nini kinachoweza kuwasaidia wenzi wa ndoa waendelee kuwa na furaha?

KWA NINI UFUNGE NDOA?

Watu fulani wanaamini kwamba siri ya kuwa na furaha ni kufunga ndoa na kwamba huwezi kamwe kutosheka au kuwa na furaha maishani ikiwa huna mwenzi wa ndoa. Hilo si kweli hata kidogo! YESU ambaye alikuwa mseja, alisema useja ni zawadi,naye aliwahimiza wale wanaoweza waupe nafasi(Mathayo 19:11-12). Mtume Paulo alizungumzia faida za useja(1Wakorintho 7:32-38). Hata hivyo, YESU na Paulo hawakuweka sheria kuhusu jambo hlo; na "kukataza kufunga ndoa" ni 'fundisho la roho waovu'.(1Timotheo 4:1-3). Lakini wale wale wanaotaka kumtumikia YEHOVA bila kukengeushwa wanaweza kufaidika kwa kuendelea kuwa waseja. Basi, si jambo la hekima kufunga ndoa kwa sababu ndogo-ndogo, kama vile kufunga ndoa kwa sababu tu wenzako wamefunga ndoa, au kwamba wanakutia moyo ufanye hivyo.

Ndoa nzuri huandaa Mazingira yanayofaa kuwalea watoto.

- Kwa upande mwingine, je, kuna sababu nzuri za kufunga ndoa? Ndiyo. Ndoa pia ni zawadi kutoka kwa MUNGU mwenye Upendo (Mwanzo 2:18). Kwa hiyo,inatimiza mambo fulani mazuri na inaleta furaha. Kwa mfano, ndoa nzuri ndio msingi bora wa maisha ya familia.

Watoto wanahitaji kulelewa katika mazingira yanayofaa wakiwa na wazazi wanaowapenda, wanaowatia nidhamu, na kuwapa mwongozo ( zaburi 127:3; Waefeso 6:1-4). Hata hivyo kusudi la ndoa si kupata na kulea watoto tu.

Fikiria andiko la msingi la mada hii na mistari iliyotangulia : " Wawili ni afadhali kuliko mmoja,  kwa maana wana thamani nzuri kwa ajili ya kazi yao ngumu. Kwa maana mmoja wao akianguka,yule mwingine anaweza kumwinua mwenzake. Lakin itakuwaje kwa yule aliye peke yake akianguka wakati ambapo hakuna mwingine wa kumwinua? Tena, wawili wakilala pamoja watapata joto; lakini aliye peke yake anawezaje kupata joto? Na mtu akiweza kumshinda nguvu mmoja aliye peke yake, wawili wakiwa pamoja wataweza kusimama   dhidi yake. Nayo kamba yenye nyuzi tatu haiwezi kutatika upesi". ( Mhubiri 4:9-12).

Andiko hili linazungumzia hasa faida ya Urafiki. Bila shaka ndoa ni muungano wa marafiki wa karibu zaidi. Kama andiko linavyoonyesha, katika muungano huo, wenzi wa ndoa wanaweza kupata msaada,faraja,na ulinzi. Ili kifungo cha ndoa kiwe imara, mengi zaidi yanahitajika. Kamba yenye nyuzi moja inaweza kukatika, lakini kamba yenye nyuzi tatu zilizosokotwa au kufumwa pamoja haikatiki kwa urahisi. Lengo kuu la mume na mke linapokuwa kumpendeza MUNGU, ndoa yao ni kama kamba yenye nyuzi tatu. Kwa kuwa Mungu anahusishwa kabisa, ndoa hiyo inakuwa muungano imara sana.