Hakuna aliyezaliwa kuwa masikini.

Kila mtu alizaliwa ili afanikiwe. Hakuna mtu aliyezaliwa kwa bahati mbaya. Lakini hali tunazokuwa nazo kimaisha mara nyingi zinatufanya sisi tujione kuwa tumezaliwa kwa bahati mbaya au kuona kwamba Mungu hana upendo kwetu na kumwona mwenye upendeleo; kumbe sivyo. Mungu alimwumba kila mtu awe na mafanikio, ndiyo maana Biblia inasema ya kwamba “mawazo ninayo wawazia ni ya amani wala si ya mabaya” Yeremia 29:11 . Kama Mungu alikuwa anaupendeleo basi asingesema hayo.

Ni ukweli usiopingika kwamba hauwezi kubadilisha jana, na haujui ya kesho; siku pekee uliyonayo ni leo hivyo unaweza kuitumia vizuri leo na kubadirisha hatima yako ya kesho. Wengi tumeshindwa kufanikiwa kwasababu ya kuangalia nyuma yale ambayo yalitushinda na kukataa tamaa ya kujipanga upya. Tunasahau kwamba kuangalia ya nyuma ambayo hatuwezi kuyarudisha au kurekebisha yanatufanya tuzidi kupoteza muda wa kusonga mbele. Tunasahau kwamba hali za maisha tulizonazo sasa hazihusiani kabisa na maisha ya baadae. Maisha yanabadilika kwahiyo usifikilie kuwa na hali uliyonayo mpaka mwisho.

Fanya yafuatayo ili kutoka katika hali uliyonayo kwenda hatua nyingine mbele kuelekea mafanikio yako:-

1.      Komboa wakati.

Usipoteze muda kuhesabu yale ambayo umeyapoteza, angalia ni wapi umejikwaa na wapi umeanguka halafu inuka haraka sana kupiga hatua mbele kuelekea mipango yako. Usipoteze muda kujifananisha na watu wengine kwani kila mtu ana njia zake za kufanikiwa na hauwezi kufanya kama mwenzako alivyofanya kufanikiwa. Katika Biblia Waefeso 5:15-17 “Basi angalieni sana jinsi mnavyoenenda; si kama watu wasio na hekima bali kama watu wenye hekima; mkiukomboa wakati kwa maana zamani hizi ni za uovu. Kwa sababu hiyo msiwe wajinga, bali mfahamu ni nini yaliyo mapenzi ya Bwana.” Tunaaswa kuwa na hekima katika kupangilia wakati, na kufahamu mapenzi ya Mungu ambayo tumeona hapo juu kwamba Mungu anakuwazia mema. Ukishajua hayo piga hatua mbele.

2.      Jiimarishe kila siku.

Inawezekana hauendelei mbele kwasababu ya utendaji wako kuwa mbovu, au haujajipanga vizuri. Hivyo kila siku jaribu kuangalia ni nini umekifanya kwa siku nzima na ujipange kwaajiri ya siku inayofuata. Fanya mazoezi ili kuufanya mwili kuwa na nguvu na afya njema, fanya yale yote mazuri unayoona hauyaweji, kidogo kidogo utazoea na utakuwa imara.

3.      Anzisha kitu chenye maana katika maisha yako.

Kila kitu unachoanzisha katika maisha yako au unachoamua kufanya hakikisha kwamba kina manufaa katika maisha yako. Na kama haujaanzisha kitu chenye manufaa katika maisha yako jaribu kuanzisha, taratibu kadri ya uwezo ulionao. Epuka kufanya mambo au kuanzisha vitu katika maisha kwa kuiga watu wengine. Si kila kitu nachokifanya mtu mwingine basi kitakuwa na maana kwako, kwahiyo usiige maisha ya watu wengine.

4.      Fanya mambo yako kwa ubora wa hari ya juu.

Kila kitu unachokifanya jaribu kufanya kwa ubora wa hari ya juu. Kwa mfano kama wewe ni mjasiriamali na unafanya kazi sawasawa na wenzako. Jitahidi kujitofautisha nao kwa kufanya kwa ubora zaidi. Kuwa mbunifu katika kile unachokifanya ili uweze kuonekana bora kuliko watu wengine. Hii itakusaidia kupata wateja wengi zaidi, au watu watapenda zaidi kuja kwako kupata hudumu hivyo kuchochea mafanikio yako.

5.      Kuwa mfano kwa wengine.

Utakuwa mfano kwa wengine kama utajitofautisha na wengine katika utendaji. Kama utendaji wako ni mzuri basi kila mtu atakuwa anaufurahia. Na utakuwa mfano kwa kila mtu atakayepata huduma kwako. Samahani kwa mfano huu “Mwendesha bodaboda mmoja jijini Dar amekuwa akivaa kwa heshima anapokuwa katika kazi yake hiyo. Anaendesha kwa ustarabu na amelipia kila kitu. Amefanikiwa katika kazi yake hiyo kwani kila abiria anaepanda bodaboda yake, anafurahia huduma yake na anatamani kila siku angempata. Hivyo watu wengi wamechukua namba yake ya simu, na huwa wanamtumia sana.” Huyu ni mfano wa kuigwa na wenzake.

6.      Kuwa tayari kufanya maamzi.

Mara nyingi tunakuwa tunasitasita kufanya maamzi kwa wakati mwafaka. Kuchelewa kufanya maamzi au kuogopa kufanya maamzi humchelewesha mtu kufikia malengo yake. Kwa mfano mtu anafanya kitu ambacho haoni faida yake lakini anang’ang’ana na kitu hichohicho. Anaogopa kuacha na kujaribisha kufanya jambo jingine. Hii hupelekea kushindwa kubadilika kabisa na hivyo kupeleke aendelee kuwa masikini na mtumwa wa kazi anayong’ang’ana nayo.

7.      Fikiria jinsi ya kutatua matatizo.

Unatakiwa kujua kwamba matatizo hayana budi kuja. Na kwamba kila tatizo lanalokuja katika maisha yako hautakiwi kulikimbia. Katika kitabu cha “Power of positive Thinking by Vicent Peal” kinasema katika kila tatizo linamkumba mwanadamu ndani yake kuna suluhisho la tatizo hilo. Hivyo kama maandiko matakatifu yanavyosema katika Yakobo 1:12 “Heri mtu astahimiliye majaribu; kwa sababu akiisha kukubaliwa ataipokea taji ya uzima, Bwana aliyowaahidia wampendao.” Hatutakiwi kukimbia matatizo au majaribu tunatakiwa kuafuta ufumbuzi wa matatizo hayo na kupiga hatua mbele.