Mambo yanayoweza kukusaidia kufikiri vizuri.

Katika kitabu cha “Power of positive thinking” Na Vicent Peal kinaeleza kwamba kuna mfumo miwili ya kufikiria. Kufikiria vibaya na kufikiria vizuri.

1.      Kufikiria vizuri

Kufikiria vizuri ni kujaza akili zetu mambo ambayo ni mazuri na yenye kututia moyo. Ni kujaza fikira zetu na matukio yenye matarajio na picha zenye kututia faraja na matumaini. Matokeo ya kufikiria vizuri hupelekea mtu aweze kufikia malengo aliyojiwekea katika maisha. Hii ni kutokana na ukweli kwamba, utakuwa na mtazamo chanya juu ya jambo lile unalotaka kulifanikisha katika maisha yako. Kukatishwa tamaa kwako itakuwa vigumu kwani utakuwa na msimamo na Imani ya kwamba kila kitu kinawezekana.

2.      Kufikiria vibaya

Kufikiria vibaya ni kujaza akili zetu mambo yasiyofaa naya kukatisha tamaa, kuwaza ubaya, ulipiza visasi, kinyongo, hasira, chuki, fitina na mambo mengine ya kufanana kama hayo. Kwahiyo katika kufikiria kubaya amani, upendo, utulivu, kutenda haki na furaha havipo. Matokeo ya kufikiria vibaya ni mtu kukata tamaa na maisha, kumwona kila mtu ni mshirikina na mnafiki katika maisha. Na wakati mwingine kufikiria vibaya hupelekea mtu kuchukia watu bila ya sababu za msingi.

Njia zinazoweza kumsaidia mtu kufikiria vizuri.

   

1.      Tusome, kusikiliza na kutazama mazuri.

Vijana waliowengi katika ulimwengu wasasa wa sayansi na teknolojia wamekuwa limbukeni wa teknolojia. Matumizi ya simu na mitandao imebadilika, yanayofuwatiliwa na mambo yanayopendwa zaidi ni mambo ya kipuuzi na ambayo si mazuri kabisa. Wengi wamekuwa wafualitiaji wa umbeya na sababu za ndoa nyingi kuvunjika kwasababu vitu wanavyoangalia kwenye mitandao, habari wanazopashana, hakika haziwafanyi waweze kujadili mambo ya msingi katika maisha hivyo kupelekea kufikiria vibaya. Matokeo ya kufikiria vibaya ni mambo ya aibu tunayoyaona katika jamii zetu, yanayoposha ambayo hapo nyuma hayakuwepo. Hii hutokana na kuiga na kufuatisha vile vijana wengine kutoka sehemu mbalimbali wanayoweka mitandaoni na kuiga bila hata kujiuliza maswali. Hii hupelekea kufikiri kubaya.

Hivyo ili uweze kufikiria vizuri hauna budi kutazama, kusoma na kusikiliza mambo mazuri ambayo hukufanya uwe mtu fulani “somebody” katika maisha yako. Kinyume na hayo utakuwa unaishi maisha ya watu wengine walioshindwa kwasababu ya kufikiria vibaya.

2.      Tutumie lugha nzuri katika mawasiliano.

Kadri siku zinavyosogea katika jamii zetu ndivyo maadili yanavyozidi kuporomoka. Hii yote hutokana na vizazi vipya “new generation” kufuatana na ulimwengu bila ya kuangalia hasara na faida za kufuata ulimwengu huu wa leo. Maarufu kama ulimwengu wa “dotcom (.com).” wananchi wengi hususan vijana wamekuwa wakitumia lugha za matusi wanazozitoa katika miziki ya wasanii kutoka nchi zilizoendelea. Hii imechangia sana kuporomoka kwa maadili ya vijana katika jamii zetu jambo linalotishia kutokomeza kabisa ile asili yetu kabisa. Mtu anayetumia lugha mbaya katika mawasiliano siku zote atawaza mabaya wala hataweza kuwaza jambo jema hata siku moja. Kwahiyo tuangalie sana lugha tuzitumiazo katika masaliano yetu.

3.      Tuepuke marafiki wenye fikira mbaya.

Marafiki ni watu wazuri sana lakini kama haujaweza kuchagua marafiki vizuri; wanakuwa ni watu wabaya sana kupita maelezo. Marafiki tunaoandamana nao kila siku, tunaoishi nao na tunaofanya kazi nao wanaushawishi mkubwa sana katika tabia zetu. Ukiwa rafiki wa mtu anayefikiria vibaya na wewe utakuwa mmoja wao. Kwani hauwezi kujizuia kufikiria vibaya wakati katika mazungumzo mnayozungumza hakuna mtu hata mmoja anayezungumza kitu cha maana. Kwahiyo ili uweze kufikiria vizuri ni lazima ujitenge na marafiki au kundi la watu wanaofikiria vibaya na kujiunga na watu wanaofikiria vizuri.

4.      Tuwaze vitu chanya badala ya vitu hasi.

Ukiandamana na watu ambao kila kitu kwao wanaona hakiwezekani, usifikirie kwamba itafika siku utafikiria kwamba jambo fulani linawezekana. Wala usitegemee kwamba usiwaza kushindwa tu kila wakati basi itafika wakati ushinde. Kila wazo baya huzaa uharibifu. Mawazo chanya ni kuona kwamba kila kitu kinawezekana, ni kujipa moyo ili kufikia mafanikio uliyojipangia. Ni kuwa na maono na fikira yakinifu au fikira pevu. Mtu mwenye kuwaza vitu chanya yuko tayari kuthubutu kufanya vitu kwa ujasiri kwani anaamini katika uwezo alio umbwa nao.

5.      Tukariri aya zenye kutia moyo.

Kukariri aya zenye kutia moyo hutokana nay ale tunayoyasoma na kusikia kutoka kwa watu wengine. Kwa mfano maneno ya kutia moyo ambayo watu hupata kutoka makanisani na misikitini yanaweza kukaririwa na mtu na hivyo kumfanya mtu husika kufikiria vizuri. Aya zenye kutia moyo pia zinaweza kunukuriwa kutoka kwa watu maarufu na mashuhuri walioshinda na kufanikiwa katika mambo waliyokuwa wanafanya. Hii itamsaidia mtu aweze kufikiria vizuri na kufikia mafanikio anayohitaji katika maisha yake.